知自己今日樣衰，今朝其實無打算返教會，太早醒了，掛住老師，記起好多事，於是又寫呀寫，一次過睇完雅歌，再睇左啲以賽亞書，突然覺得好肚餓，換件衫就落街食早餐，連袋都無拎。
食完早餐仲係好早，想行下，但腳步好自然咁走向教會方向，我轉向海濱長廊公園，行了好一段時間，之後都係返返教會。
崇拜完，我無去家會就走了，唔係好想應人，因為甘sir一叫我我就想避，唔想講野。
之後我又去左海濱長廊，收到老官what's app我，我告之在海濱公園的草地看海，佢同胡珍3點幾買左外賣來野餐，如是者待到5點幾。
我躺在地上看對岸，雲壓得好低，山同樓與雲之間透著另一層白，好靚。
在天空上，鷹飛得好高好高，又好似放走了的風箏，我想起逍遙遊，大鵬鳥一拍翼就幾千里。
老官之前無發現這裡，胡珍建議以後同工會不如改在此地，可能以後這裡再沒有安靜了！
好吧！我無事嘞，係唔捨得！但唔應該太傷心難過，老師在天家一定過得好好！我亦想過趁火打劫！以後我掛念老師時就叫你們請食紅荳冰，不得say no!
Anyway, thank all for ur prayer, and my foreseeable ice red bean.
I am back!!!
***
後話︰
Mily:
Hilda，有好友陪同野餐、看海，坐草地，浪漫啊。。
Me:
佢地咁既德性，邊曉得浪漫吖，係老官叫我食飯，我唔想出去見人，叫佢買外賣嚟野餐嫁，之後咪發現呢到好囉！
Mily:
唉，人地一番好意，係咁意都要教訓下你
Apple:
係囉，官姑本來同我傾紧，要趕住走唔同我講，原來要外買俾妳。
不過而家妳返黎就算啦
Me:
老實講，我想一個人靜靜，就係唔想佢地失望先陪佢地野餐,喺我唔想諗野唔想講野既時候，what's app問我有咩好介紹！
呢啲咁隨意即興之舉，仲話瞓喺地下，佢地諗十年都唔會做！哈哈！你就攞去同老官講，我包佢即使口不承認，亦心裡相信！
Mily:
(偷笑）
p.s. :
我知我真係好衰！仲擺左大家上枱，但係我真係好想記低佢，仲有車仔應承我既紅豆冰，謝謝大家比我空間同包容同祈禱，特別係我好唔想應大家既時候！
好，認真d，呢d其實我都會記住！大家都知我既記性的確不錯......雖然好多時是時空錯配！ =)
沒有留言:
張貼留言