本來積左啲野唔係幾開心，還好，沒有積蓄煩惱的癖好，
頭先beeleebala唔理三七廿一寫左出嚟，爽！
離開公司，經過一間串燒店，
聽講係一位想試辦社企的人兄／人姊開的，
因為通常都夜走，放工歸家時都關門大吉，一直未有幫襯。
今日見它未關門，特意趨前幫襯。
Me: 關幾點呀？我次次經過都關門。。。
店員：九點.今日遲了，正常都已關了。
你想食咩？有牛肉，雞，羊。。。
Me: 唔，是但啦！其實都唔係好嗜肉，就一串雞軟骨啦。
聽聞店主想試辦社企，純粹幫襯支持下。。。
店員一邊燒雞軟骨，一邊跟我閒談，之後吉起一串冬菇。。。
店員：呢串請你食的。
Me: 咁唔得，你留返嚟賣啦！
店員：這不是賣的。
隨即二話不說，焼埋串冬菇，連埋串雞軟骨一齊比我。
呢個世界都幾有趣，你以為去支持人啦，點知反而會得到祝福；
你以為去製造和諧啦，偏偏有時會見到調轉的槍頭；
你以為一切從心免煩啦，但偏又遇到莫名其妙的計算。
奇怪的世界！奇怪的人啊人！無得預，無得計！
