送水

上星期打風，桶裝水送不成，書棧缺水幾天，今天水到了，送水的哥哥仔好人，見我話無晒水，便直接幫我搬水上去水機上。未幾，他的電話來了，不知道是他的娘親夫人還是女友約今晚食飯，總之見他反應好躁，待他收線後……

me︰「不用這麼躁啦！找你食飯又不是找晦氣嘛！」
水哥︰「我都唔知幾時收得工，真係唔知打嚟做咩？」
me︰「一定係掛住你先搵你，你仲咁惡對人！」
水哥收起先前的急躁︰「你唔明啦，有時搬住成車水過馬路，無無謂謂既電話又到！都唔知顧得邊樣！」
me︰「我當然明啦，我成日都搬住d書搬d重野落樓又或送呢度果度，無手分得出既時候就電話嚟，我咪一話唔聽，一話拎起就應句"唔得閒，轉頭覆你"咪算囉！發埋無謂脾氣傷身又傷心呀，唔抵！」
水哥︰「好啦！」
送他出門時，我口多地加多一句︰「記得啊！咁躁傷身唔抵啊！」
他終於笑了出來︰「知道嘞！」
me笑︰「乖嘞！」

送水哥哥呆一呆(該是滴汗=.=")，然後還我一笑！XD