電台訪問與香港書展

昨天電視台來電，話想做訪問，
問關於電子書對書業的影響云云，
又話想趕在書展期間在電視內播出，
對方說可以遷就我約在今天訪問。
心諗︰唔好玩啦！就嚟去旅行，
無情情又要急住做埋d咁嘢，
仲要我上鏡，我才不要呢！
容咩易個個走嚟搵我呢個o靚巫簽名，
我咪好唔得閒……
("呯鵬"---你地讀到呢處頭撞檯面既聲！)

佢又問我有無其他二樓書店可以介紹，
我想了一想，說︰「好難喎！依家個個忙緊書展，
唔...你可以試下問序言，可惜正文無左，唔係正文都可以…」
(呢d都係細到好似書棧咁唔會做香港書展既蚊型二樓書店。)

今朝睇報紙，又係話o靚模要衝擊書展，
雖然係做書，但我已經對香港的書展經乎完全放棄，
好怕人咁多，多係湊熱鬧，周圍都係叫囂聲，
炒雜錦既散貨感覺，完全搵唔到讀書的閑適。

記得舊年去書展，同台灣既行家傾完後，
已經唔敢周圍行，走左去書展外圍隔住玻璃睇日落，
o係果度反而搵到片刻的安寧。
恕我頑固，恕我不識時務，我寧願在書棧將自己埋葬算了！