Happy Friday

星期五一早，耍完太極，
趕得及8:25到學校書展，good enough!
期間，收到好友v的message約食晚飯，
剛剛完成今個星期兩個書展，
又完成了今期福聲，當然要獎下自己，
同朋友開心下啦！在書棧待到八時，
心想，不如回家煮意粉煲羅宋湯啦！
反正家裡有紅菜頭紅蘿蔔蕃茄薯仔各一，
見v沒反對，我即返家煮野食去也！
v是我第一個招呼到新居的朋友呢！
九時，v來到，我在露台放好椅子和枱，
夜涼如水，同朋友一起，清清淡淡的一餐，
自由自在的坐著談著，直是五星級的享受。
「意粉」後我們外出食甜品，perfect night!

我打定主意，下星期動土！春，宜栽種！
以下是我樓上農莊的清單:
- 蕃薯(葉可以照食，一舉兩得)
- 薯仔(可以同蕃薯齊齊種，等佢地做好朋友)
- 提子(攀籐植物，可以繞著圍欄生長，既美觀又有得食)
- 蕃茄(紅紅的，好可愛，可以煮羅宋湯，天生貧血，食紅色野好！)
- 菜心/生菜(正氣，煮米粉煮麵時落就最好！)
- 薄荷葉(用o黎沖薄荷茶，醒神兼醫感冒。正！)

諗到都開心！下星期要去搜羅種子、有機泥土、盆.....
想起這首歌: 這是天父世界！