正午時分，運輸阿姐到書棧幫我收箱書送學校，閒談間問我續了約沒有？業主加了多少租？
me: 舊年續約了，業主不但無加租，還主動減了幾百！
阿姐: 下！那有這麼好的業主？！
me(笑): 是呀！我都覺得自己好幸運。其實你不也是一樣麼，無端端減我運輸費！
阿姐: 你一個女仔，d書又重，賣書又搵唔到食，但你總是笑盈盈，都未聽過你怨辛苦，我就是喜歡你！對其他人就唔會咁嫁嘞！
談著，我從雜物房拿出手拉車仔，準備自行拉兩箱書去學校，接應運輸華哥，他會幫我從上一間書展完的學校搬書去做下一場學校書展……
阿姐: 你要出去？
me: 係呀！要去學校set場準備明天書展，約左書展運輸哥哥在學校等他送書去。
阿姐(望望地上的兩箱書): 你而家自己搬呢兩箱去？
me: 係呀，我有車仔……
阿姐: 我車你過去先，跟住再去九龍灣……
me: 好呀！不過你要收番車錢，我搭車都要比錢呀！
阿姐: 好方便之嘛！我見到你好好笑，就覺得好開心……
阿姐的丈夫葉生見我倆抬著書落樓下，忙將車子駛過來。
阿姐: 我地先送梁小姐去學校！
me: 唔好意思呀，又要麻煩你地！
阿姐: 一d都唔麻煩，你同我地傾下計不知幾好！
me: 我書店1/2團年，你地可以來嗎？
阿姐: 要開工呀，嚟唔到呀！
葉生: 你書店有幾多人呀？
me: 一個囉！(隨即換來葉生和阿姐的哈哈大笑)
me: 不過每年都會搞團年多謝一直支持書店既朋友嘛，我舊年都有問過你地哩！
阿姐: 梁小姐，做書咁辛苦，又賺唔到錢，我睇見你都覺得肉赤，你成日去日本，不如改行賣日本時裝啦，我果頭有間舖頭仔賣日本時裝好似都幾好搵呀，我得閒過嚟幫你手！
me: 但我無興趣喎！又唔鍾意扮靚。
葉生: 唔……梁小姐對錢無興趣，佢要做自己鍾意既，真係有性格！
me: 真係唔識撈既格囉！
他倆又是一番大笑！談著談著，不知不覺已抵達學校！
沒有留言:
張貼留言