趣怪留言

一位在書棧認識的朋友，
約了今天借書棧的一隅拍video，
希望用以安慰在病塌的人，
我當然樂意之極啦！
我諗︰下次再改名時，
可以考慮用「無間道書店」。

他離開後，我繼續工作；
剛剛翻看「留言冊」，
發現他寫上幾句頗為有趣的說話，
順便在這裡分享一o下︰
點解係
讀書好棧
而唔係
魚蛋好味
咖啡好香
又或o的橙好靚
因為這是她的理想
她的堅持
理想萬歲！

講真，他講得有點跨張，
開「讀書好棧」也不是什麼偉大的事，
不過，又寫得幾好笑，
當見到他說魚蛋好味 ......
倒好想即時食街邊既魚蛋、
同大坑東阿伯既尤魚、豬皮碗仔翅....
如果再多一杯潘記紅豆冰就仲正，
真是令人懷念的小食！

p.s.其實我一o的都唔為食，
不過，就是對一些舊物有點執著吧了。