死剩把口

話說有位姊妹答允寫福聲稿(不過妻債夫還)，
前日她的電郵來了，說︰
「…我老公好努力幫你寫稿，寫到病了，講笑，
咁啱佢感冒，有望佢快d好返，十月交到...」

我e答佢︰「我都好努力提你寫稿，咁啱發緊燒，
感冒緊，咳到咽喉炎，睇o黎係追稿追到病了，講笑…」

姊妹回郵︰「…財多身子弱…」
我答︰「你話緊你老公呀？！你就好啦！財主夫人…」

尋晚上生命之道，期間咳到九彩，眼淚直流，
見我條氣喘定，弟兄說︰「仲咩咁難過呀！？」
我說︰「見到你囉！」
離開學校時，頭痛難當，唯有用力拍打頭顱，
弟兄說︰「好唔舒服呀？」
我答︰「對住你邊有法子唔頭痛吖？」
弟兄一笑，無氣再理我！

我病得o黎都仲好精靈，哈！死剩把口，我算係當之無愧吧！